Category: Iritzia

3G Donostia

donostia

0 Comments

Gasco, Gomez Ugalde eta Goia.  Ezin esan kasu honetan gaztelerazko “monta tanto, tanto monta”; izan ere, 3g hauen artean bata da buru. Hain da buru non PSEk sartutako mozio batean honakoa erantzun zuen PPko Maria Jose Usandizagak “Lo siento Ernesto pero no podemos apoyar tu moción”. 2 aldiz.

Ñabarduraren bat eszenifikatu arren, egun 2 koalizio ditu Donostiak. Bata hauteskundeetara aurkeztu zen, Bildu, bestea PPP da, hau da PSE-PP-PNV.   Ez omen dute frente anti-Bildu bat osatzen, hara, orduan euren adostasun sintomatikoa eredu bakar baten isla da. Bilduk ezberdintasunak uztartzetik jaio zen bitartean 3g-k eredu bakar bat dute Donostiarentzat. Eta eredu horren buru Ernesto Gasco da. Bera da ere atzoko Udalbatzan tentsioa igotzearekin eta edozein mozio aprobatzearekin irabazten duen bakarra. Honako galderak egin beharko litzaizkioke EAJri: Bilduren beldur, EAEko hauteskundeak arteko estrategia al da soilik? Ala, ostera, Donostian hainbeste urte ondoren aldaketak emateko aukera zapuztu nahi duzue? Ez al duzue ikasi aurreko akatsetatik? Zer irabazten duzue zuen babesa izan duten erabakien aurka bozkatzen?

Halere, konbikzioz ala estrategiagatik bada ere,   3g programa honek Donostiarako eredu garbi bat eskaintzen digu. Atzo eredu horren nondik norako gehiago eman zizkiguten:

- Donostia zezenzalea. PSE eta EAJko jarrerak ezagututa (zinegotzienak eurenak barne) beldurgarria da oso bi alderdiok zer nolako jarrera beligerantea hartu duten zezenketen alde.

- Donostia una grande y libre. Ez da berria konstituzionalistek aniztasunari eta nortasun sentimendu berezituei dieten beldurra. Baina EAJk atzo “Donostiako herriak eta auzoak” esaldiaren aurka egin zuen diskurtsoa…. #UPyD-k sinatuko luke.

- “Sin pan pero con circo” Donostia.  Ikusita zer nola dagoen ekonomia eta zerga sistema bidezkoagoak jarrita ere erakundeek lortzen duten dirua ez dela hain altua, 3g-ek atzo euren lehentasuna finkatu zuten: kirol profesionala. Agian hau izango da askotan aipazen duten “lan sustapena”, gutxi batzuei lana ematea. Atzo Udalak erakunde adierazpen bat eskatu zuen 3g-n aldeko bozkarekin, Foru Aldundiari eskatzeko GBCri aurtengo diru kopuru berei eustea. Ez zioten eskatu gastu sozialari edo zerbitzu publikoei eustea, …ez…GBCri eman beharreko diru partidari eustea.

Bestetik Anoetarena dago. Udal Gobernuak garbi du krisi garai honetan kirol profesionalaren diru laguntzek behera egin behar dutela. Baina garbi du era berean Anoeta bezalako instalazio batek Realaren beharretara egokitu behar duela baldin eta Udalak dirurik jartzen ez badu eta miniestadia atletismorako egokitzen bada. Baina Realarekin baldintza batzuk adostu zituen Realak eta Kutxak gehi beste erakundeek izango duten espazioa ustiatzeko. Bada, Realak onartua zuen gauza bat….zeinek eta Donostiako Udalbatzak aldatu du………Reala eta besteen are mesedekoago izateko!!! Udalbatzak berak esan digu ustiapen publiko gehiago opari diezaiogun.

- “Toc-toc” Donostia. EAJk egunero leporatzen dio Bilduri “bere lagunen alde egitea”. Bada, horra nola ikusten duen oposizioak banatu behar direla udal baliabideak: elkarte batek lokal bat besteen baldintza berberetan jasotzen badu baina ez bazaio gustatzen bide oso garbi bat du. PP edota EAJrengana joatea besterik ez du. Eta 3g-k mozio bat onartuko dute udal teknikariek besteen baldintza berberetan emaan dituzten baliabideak berriz negoziatzeko eskatuz. Ez dituzte irizpide politikoak aldatzen, ez dute esaten “ekintza konkretu hau hurrengo urteetan gehiago lagundu beharko da”, ez dituzte aurrekontuak igotzen ekimen horretarako diru gehiago jartzeko. Ez, besterik gabe esaten dute “honekin berriz negoziatu”.

- Bataplan and cars Donostia. Honek kapitulu berezia merezi du, baina laburtzeko: zonalde oso zehatz batzeko ostalarien mesedetan gauez San Martineko karrilbusean aparkatzeko aukera ematea eskatu zuen 3g-k. Hau da, zentrora autoz etortzea sustatu…..gauerako. Gascok esan zuen normalean gauez atera ohi den jendeak ez duela edan ohi, edo 5 atera eta batek ez duela edaten. Orduan….zertarako jarraitzen du bere gobernuak dirua xahutzen kotxea eta alkohola nahastearen aurkako kanpainetan?